Football (mercato) - Yacine Bammou quitte l'ACA, trois joueurs seront recrutés en janvier
Yacine Bammou buteur sous les couleurs de l'ACA
À pena compii i scontri in andata, à pena ghjuntu u posu di i festi, si parla dighjà di u marcatu d’invernu à l’AC Aiacciu.
I squadri prufiziunali di ballonu t’ani a pussibilità d’assistà u so effettivu, piddendu o lintendu ghjucadori, par tuttu u mesi di ghjinnaghju.
Issu periudu di i trasfirimenti hà da essa beddu tribulatu in Aiacciu : di quissa, n’hà datu cunfirma Olivier Pantaloni, dopu à a vittoria contru à Valenciennes.
Yacine Bammou, chì hà marcatu trè volti è fattu una passa dicisiva issa staghjoni, si n’hà da andà : avaria avutu una bedda pruposta da una squadra chinesa.
Olivier Pantaloni hà dittu ch’iddi aviani da essa ricrutati trè ghjucadori : unu par rimpiazzà à Bammou, unu par rimpiazzà à Bayala, fertu dipoi sittembri, è un altru ch’ùn si cunnosci ancu u so postu.
Sur le même sujet
