Football - Memo Ochoa devrait rejoindre l'Atletico de Madrid
(A redazzioni d'Alta Frequenza) - Tuttu u mondu sà in Aiacciu, in Corsica, à u Messicu, è oramai in u mondu sanu, chì Memo Ochoa hè un guardianu di rinonima mundiali. Qulllu chì hè veneratu dipoi trè anni da i sustenidori di l'ACA, a sapemi, hè in fin di cuntrattu, è s'ingaghjarà da quì à calchì ghjornu cù un antru club. Annunziatu guasgi inde tutti i grands clubs aurupei dipoi i so parfurmenzi in cuppa di u mondu, hè in Spagna chì l'internaziunali messicanu duvaria andà. In fatti, sicondu i media messicani è spagnoli, u trasferimentu di Memo Ochoa à l'Atletico Madrid saria fattu à "99,9%". Ss'ultimu rimpiazzaria dunqua à Thibaut Courtois, di ritornu in Chelsea, è participaria à a Liga di i Campioni cù u club chì hè statu campioni di Spagna à a fin di l'ultima staghjoni. Ssu ghjucadori avarà lacatu un ricordu tremendu in Corsica, duva ellu avarà ghjucatu duranti trè anni.
Sur le même sujet
