Football (Ligue 2) - Yoane Wissa, la quatrième recrue de l'AC Ajaccio
(A redazzioni d'Alta Frequenza) - L'AC Aiacciu cuntinueghja u so marcatu dopu i signaturi d'Anthony Marin (Nîmes), di Cédric Avinel (Clermont) è di Mathieu Coutadeur (Laval), l'ACA hà arrighjistratu ssu vennari a ghjunta di Yoane Wissa (Angers). U ghjovanu attaccanti di 20 anni hè impristatu pà una staghjoni senza uzzioni pà pudè essa cumpratu à l'ACA. Suvitatu da parechji clubs di Liga 2, frà altru Nîmes è Tours, Yoane Wissa hè dunqua aiaccinu. Hà dighjà ghjucatu 55 partiti prufiziunali in a so carriera è hà scrittu 11 rialisazioni. Dopu à dui partiti di Liga 1, era statu impristatu à Laval di ghjinnaghju scorsu, club induv'ellu era divintatu un titulariu di prima trinca. U ghjucadori hà scrittu nant'à Twitter ch'ellu hè filici di ghjunghja à l'ACA è chì li trica di principià cù i so culori novi. U difensori Jérôme Hergault (Red Star) duvaria essa u prossimu ghjucadori novu di i Bianch'è Rossi. S'aspetta dinò a ghjunta d'un attaccanti di sparienza. Parechji pussibilità sò sfruttati.
