Football (Ligue 2) - Un seul absent pour la reprise de l'entraînement de l'ACA
I ghjucadori prufiziunali di l’AC Aiacciu ani ripresu à addistrà si vennari, diretti da Olivier Pantaloni.
À issa ripresa, ùn hè mancatu chè Cyril Bayala, ch’ùn duvaria vultà innanzi à aprili.
L’addistradori aiaccinu hà pussutu travaddà cù tuttu u so effettivu. Certi, com’è Cedric Avinel, Julien Benhaim o Mickael Barreto, era un pezzu ch’iddi mancaiani.
Thibault Campanini è Vincent Marchetti, ferti innanzi à u posu, c’erani ancu iddi.
Hè bon’segnu innanzi à a ripresa di a cumpitizioni, privista pà u 13 di ghjinnaghju contru à Troyes.
Li tocca avali, à l’ACA, à rinfurzà u so effettivu. Hà dittu Olivier Pantaloni ch’idda ci hè a vodda di rimpiazzà à Cyril Bayala, ma ancu à Yacine Bammou, chì si hè lacatu a squadra calchì ghjornu fà. S’aspetta a ghjunta di trè ghjucadori.
Si nutarà chì u cinqui di ghjinnaghju, l’ACA hà da ghjucà una partita in amicali in Martigues.
