Football (Ligue 2) - Un international nigérian débarque au CA Bastia
(A redazzioni d'Alta Frequenza) - Un novu elementu uffensivu raghjunghji l'effettivu di u CA Bastia in Lega 2. In fatti, l'internaziunali nigerianu, Sunday Mba, 24 anni, hà firmatu arimani (marcuri) un cuntrattu d'un annu cù u club bastiacciu. Ss'ultimu, chì appartinia fin'è tandu à u Warri Wolves, club nigerianu, hè un mezu di tarrenu uffensivu d'1m81, particularmenti atleticu. Mba hè cunsidaratu com'è un veru eroi naziunali ind'u Nigeria, dipoi ch'ellu hà scrittu a sola reta di a vittoria contr'à u Burkina Faso, in finali di a Cuppa d'Africa di i Nazioni, urganizata di farraghju scorsu in Africa Suttana.
