Football (Ligue 2) - Tranferts : Jonathan Lacourt s'engagera vendredi avec le SC Bastia
(A redazzioni d'Alta Frequenza) - Com'è l'aviami annunziata in fin di settimana scorsa, u Sporting Club di Bastia hà da arrighjistrà a so prima ghjunta issu vennari, quilla di Jonathan Lacourt, chì firmarà cù a squadra bastiaccia un cuntrattu di sei mesi. Una durata di cuntrattu chì si pò spiecà da u fattu ch'ellu sarà in issa siconda parti di staghjoni u sicondu di Jérôme Rothen è di Yannick Cahuzac in quantu chì mezu difensivu è riguaratori. L'altra spiecazioni hè in leia cù calchì incertezza chì pò firmà nant'à a so cundizioni fisica, dopu à più di dui anni è mezu senza avè ghjucatu una partita di ballò in prufessiunali, dopu à una ferita impurtanti à a ghjamba manca. Scuntrarà i so novi cumpagni di ghjocu à partasi da u primu ghjornu di staziu in Monticellu. Malgradu tuttu, issa prima mossa ùn duvaria micca essa a sola, d'altri ghjunti è forsa partenzi essendu aspittati.
Sur le même sujet
