Football (Ligue 2) - Thierry Laurey, nouvel entraîneur du GFC Ajaccio
(A redazzioni d'Alta Frequenza) - Dopu à a partenza di u so intrenori Ghjuvan Micheli Cavalli sabbatu è a disfatta di a vigilia contr'à Nîmes, u Gazélec d'Aiacciu ùn hà micca persu tempu pà truvà un rimpiazzanti. In fatti Thierry Laurey, 49 anni, ghjuntu in fin di dopu meziornu (marti) ind'a cità Imperiali, hà da firmà fin'è ghjunghju di u 2014 cù u GFCA. Duvaria fà a so prima seenza d'intrenamentu issu marcuri. Thierry Laurey hà principiatu a so carriera di coach in u 2007 in Naziunali in Sète, prima di cunnoscia a Lega 2 cù Amiens l'annu dopu. Iss'ultimu era libaru dipoi u 5 di nuvembri scorsu, è a so partenza d'Arles Avignon, club ch'ellu intrenava dipoi u 2011. Pruvarà à riescia a scumessa propiu difficiuli di mantena i diavuli rossi in Lega 2. Hè u terzu coach di a staghjoni pà u GFCA, dopu à Dominique Veilex è Ghjuvan Micheli Cavalli.
