Football (ligue 2) - Six recrues pour le GFC Ajaccio
(A redazzioni d'Alta Frequenza) - U GFC Aiacciu si movi nant'à u marcatu di i trasferimenti. Mentri chì i Diavuli Rossi ani ripresu l'intrenamentu ssu luni, ghjucadori novi ani raghjuntu u gruppu. Nant'à u so situ ufficiali, u club annunzia frà altru a ghjunta di Maxime Cassara. Hè un guardianu furmatu in Liò è Saint Etienne, chì ghjucava annu in Liò Duchère. Hà signatu un cuntrattu di dui anni. Altra ghjunta, quilla di David Gomis. Hè un attaccanti di 24 chì ghjucava in CFA, in Tulò, induv'ellu hà scrittu 13 rialisazioni a staghjoni scorsa. S'hè ingaghjatu pà dui anni. Altru attaccanti pà u Gaz, Fousseni Diabaté. À 21 anni, ghjucava in CFA2 in Guingamp a staghjoni passata, cù 8 rialisazioni in 26 partiti. U difensori Ousseynou Ba hà raghjuntu anch'ellu u gruppu aiaccinu, com'è Julien Anziani, un ghjucadori furmatu à l'ACA è Damien Dumont, un elementu chì ghjunghji da l'Espérance Pernoise in Divisioni d'Unori. Si pò dì chì u GFCA faci a scumessa di a ghjuventù.
Sur le même sujet
