Football (Ligue 2) - Régis Brouard nouvel entraîneur du SC Bastia
Dopu à u scontru contru à Dunkerque, u SC Bastia hà fattu cunnoscia u nomu di u so novu addistradori.
I niguziati ci sò stati cù parichji parsoni, com’è Oswald Tanchot o Frédéric Hantz, ma fatta fini u cunsigliu d’amministrazioni hà sceltu à Régis Brouard, chì hà signatu par dui anni cù i Turchini.
Régis Brouard t’hà 54 anni. Hà attaccatu a so carriera d’addistradori in cori à l’anni 2000 cù Rodez, po’ hè andatu dopu à Nimes è Quevilly.
I so primi passi in siconda divisioni, l’hà fatti cù Clermont-Ferrand da u 2012 à u 2014. Hè statu dopu in Niort da u 2014 à u 2016, ma hè statu rinviatu parvia di risultati chì cusì boni ùn erani.
Dopu à una staghjoni in Tubize, in Belgica, hà fattu ricuddà u Red Star in siconda divisioni, po’ hè statu rinviatu dopu à 12 ghjorna parvia di i so risultata.
Quiddu chì annu era l’addistradori llu RFC Union Luxembourg s’attacca issa sfida tamanta, quidda d’assicurà u mantinimentu d’una squadra chì hà ritrovu u prufiziunalismu.
Steti à senta à Régis Brouard.
