Football (Ligue 2) - Réginald Ray nouvel entraîneur du SC Bastia
Dopu à uni pochi di ghjorna passati à rifletta ci è à discorra ni, i dirigenti di u SC Bastia ani sceltu l’addistradori chì t’avarà par missioni d’impidiscia ni a falata in campiunatu Naziunali.
È fà è fà, hè statu Réginald Ray, quiddu u più mintuvatu dipoi u rinviu di Benoît Tavenot, chì hè statu presu.
Era statu aghjà l’aghjuntu di Frédéric Hantz trà u 2010 è u 2014, ed era statu iddu l’addistradori di i Turchini, uni pochi di ghjorna innanzi à u bancarottu di u 2017.
Dopu, hè statu l’addistradori di Valenciennes è di le Mans, avendu ci risultata di qualità mizana.
Ci hè pocu, hè statu l’aghjuntu di Patrick Vieira in Strasburgu, innanzi ch’iddu sichi rinviatu quiddu.
Hà da avè u so chì fà, Réginald Ray, à rimpattà i punti par escia da a parti piriculosa lla classifica, i risultata lla squadra issendu par avali luntani bè da l’ughjittivu d’un mantinimentu.
Soca chì i ricrutamenti à vena t’avarani, ancu iddi, a so impurtanza.
