Football (Ligue 2) - Quatre nouvelles têtes arrivent au GFC Ajaccio
(A redazzioni d'Alta Frequenza) - Ghjocu à ballò, u GFCA appronta u so grandi ritornu in lega 2 a staghjoni chì veni. A squadra aiaccina, chì pudarà cuntà nant'à un bughjettu di 5 millioni d'auri (forsa u più chjucu di u campiunatu), si rinforza. Quattru ghjucadori ani da firmà issi pochi ghjorni. Amor Kehiha, un ghjucadori di 34 anni, chì ghjoca nant'à u latu dirittu, ghjunghji da Istres. Nicolas Flégeau, un ghjucadori à latu manca stavolta, di 27 anni. Era anch'ellu in Istres. Noui Laifa era pà contu soiu in Créteil. Ghjocu à mità di tarrenu, è t'hà 24 anni. Infini, Youssouf Touré hè un attaccanti di 26 anni, in "numaru 9". Iss'ultimi veni da Colmar. U GFCA hà dunqua bè avanzatu nant'à u cartulari spurtivu pà a lega 2. Ma u marcatu ùn hè micca compiu. Quattru ghjucadori in più sò aspittati da u cantu di Mezavia da quì à u principiu di a staghjoni, pà a fini di u mesi di lugliu.
Sur le même sujet
