Football (Ligue 2) - Plusieurs arrivées au CA Bastia
(A redazzioni d'Alta Frequenza) - U marcatu d'inguernu ùn hè ancu à cumincià di manera ufficiali, ma ind'u CA Bastia, ultimu di Lega 2 è ind'una situazioni dighjà assai difficiuli ind'a corsa à u mantenimentu, ghjucadori sò ghjunti o ani da ghjunghja pà rinfurzà a squadra bastiaccia. U primu hè Stéphane Bahoken, attaccanti di vint'unu annu, chì dopu à un imprestitu dipoi sittembri in San Mirren in Scozia, hà da vultà à l'OGC Nizza chì l'impristarà torna è quì à u CA Bastia, pà un postu duva Pastorelli, Le Mat è Mandrichi ùn ani micca rializatu i parfurmenzi aspittati. Dui altri elementi si duvariani ingaghjà dinò cù u CA Bastia. Si pudaria trattà prima di Clément Fabre, difensori cintrali di vintiquattru anni chì sarà impristatu da u Tours FC. Quissu quì hà ghjucatu sei partiti di Lega 2 ssa staghjonbi, è 53 dipoi u principiu di a so carriera in ssu campiunatu quì. U sicondu duvaria essa Florent Rouamba, mezu di tarrenu di u Burkina Faso di vintisetti anni, libaru dopu à passaghji ind'u Sheriff Tiraspol in Moldavia, è in Charlton, in Ingliterra.
Sur le même sujet
