Football (Ligue 2) - Oumar Gonzalez et Clément Vidal renforcent l'ACA
Dopu à a signatura di Vincent Marchetti, sò dui altri ghjucadori chì sò ghjunti in Aiacciu issu marcuri matina. Si tratta chivi di dui difindidori.
Oumar Gonzalez, 23 anni, hà fattu una quarantina di scontri cù Chambly, cù quali iddu ghjucaia issa staghjoni in siconda divisioni. Hè un ghjovanu internaziunali camirunesu, rapidu è atleticu, è l’erani appressu parichji squadri francesi è alimani. Fatta fini, hà signatu dui anni cù i Russi è Bianchi, cù un’annata di più in uzzioni.
U sicondu ghjucadori hè Clément Vidal. T’hà 21 annu, è hè impristatu da Montpellier, a squadra chì l’hà furmatu è cù a quali hà vintu a cuppa Gambardella. Pò ghjucà in difesa cintrali o latirali, è circarà forsa, cù u so putinziali, à vincia si tempu di ghjocu à l’ACA.
Sur le même sujet
