Football (Ligue 2) - Nouvelle défaite de l'ACA
(A ridazzioni d'Alta Frequenza) - Ùn pariani mancu iddi, i ghjucadori di l’AC Aiacciu, vennari à sera. Eccu ciò ch’iddu si pò dì, dopu à issa nova disfatta, 2 à 0, contru à Niort. Eppuri, in a prima ora di ghjocu, l’aiaccini pariani essa à paru à i so avvirsarii, ma ani persu fiatu in pocu tempu, piddendu si dui marchi suppicci, à a 68esima è à a 70esima minuta, parvia di sbagli tamanti in difesa, chì unu hà ancu purtatu à un calciu di riparu. I ghjucadori d’Olivier Pantaloni aviani fattu veda calchì qualità, masimu in principiu llu sicondu tempu, ma subbitu sò vultati l’abituali difetti. Cù pocu geniu in mezu tarrenu, pocu piriculu in attacca, è à spissu persi in difesa, l’aiaccini ani persu una volta di più. Saria ora di ripiddà fiatu, innanzi chì u dubbitu ùn si sparghjissi in a squadra. Innanzi à a tregua internaziunali, l’AC A hè 17esimu cù 4 punti in 6 scontri, vali à dì 7 di menu chè annu, à a stessa epica.
Sur le même sujet
