Football (Ligue 2) - Maxime Chanot, une star de la MLS, à l'ACA
Fernand Mayembo è Oumar Gonzalez issendu partiti, l’AC Aiacciu duvaria arrighjistrà in l’ori à vena a ghjunta d’un dinfindidori cintrali.
Aspittatu in primu dopu meziornu, u internaziunali lussimburghesu Maxime Chanot hà da zifrà un cuntrattu cù a squadra aiaccina.
Pocu cunnisciutu in Auropa, t’hà quantunca una bedda carta di visita.
Hà fattu trè staghjoni cù a squadra di Courtrai, in prima divisioni belgica, po’ hè andatu in New York City : culandi, hè duvintatu unu di i middor’difindidori cintrali llu campiunatu MLS, ch’iddu hà vintu in u 2021 cù issa squadra.
Maxime Chanot hè u capitanu lla squadra naziunali llu Lussemburgu : hè statu silizziunatu 62 volti è hà missu trè marchi.
Stracunnisciutu pà iss’Oltri Atlanticu, t’avia à veru a vodda di vena à ghjucà in Corsica, chì hà passatu una parti lla so zitiddina in Corti.
Soca chì l’affari avarà prufittatu à l’ACA, chì erani uni beddi pochi i squadri à vulè issu ghjucadori di spirienza : à senta ni à l’Equipe, avaria ancu intarissatu i Glasgow Rangers, Fulham è u Chievo Verona.
Sur le même sujet
