Football (Ligue 2) - Martin Mimoun première recrue du SC Bastia
(A redazzioni d'Alta Frequenza) - Dopu avè vistu parta parechji ghjucadori, è mentri chì altri partenzi sò privisti, u SC Bastia hà arrighjistratu infini una ghjunta, aspittendu u risultatu di l'appellu davanti a DNCG in mità di simana chì veni. In fatti, u club hà ufficializatu a signatura di Martin Mimoun di l'US Créteil Lusitanos pà dui anni cù un'antra in uzzioni. Ssu mezu uffensivu di 25 anni, furmatu in u Parighji Saint Germain, hà passatu parechji staghjoni in Laval, nanzi una sparienza in l'Olimpija Ljubljana in Slovenia è un ritornu in Francia a staghjoni scorsa in Créteil, cù vintisei partiti ghjucati è novi rialisazioni in Naziunali.
