Football (Ligue 2) - Lisandru Olmeta devrait rejoindre le SC Bastia
A voci curria chì sò parichji sittimani, è oramai l’affari hè fattu : Lisandru Olmeta, u fiddolu di Pascal, duvaria ghjunghja pà una staghjoni in imprestu in Bastia.
Quissa l’hà ditta u babbu marti à sera à nantu à l’ondi di a radiu RMC, parlendu d’un accordu chì si saria fattu trà Lilla è u SC Bastia.
D’età vinti anni, hè statu internaziunali francesu ind’è i ghjovani è hà vintu u campiunatu d’Auropa di i menu di 17 anni.
Ma in Lilla, ùn c’intria in a ierarchia di i guardiani di a squadra prima, è hà fattu tutta a so staghjoni in Naziunali, cù a riserva di u LOSC.
Johny Placide duvaria rinuvà u so cuntrattu cù Bastia è Lisandru Olmeta, chì saria u sicondu guardianu, avaria a pussibilità di fà si valè par casu ch’iddu sichi fertu o suspesu u guardianu aitianu, punteddu di a squadra bastiaccia.
Sur le même sujet
