Football (Ligue 2) - Les deux prochains matches du SC Bastia reportés en raison de cas de COVID-19
A voci curria, l’affari hè ufficiali oramai : ani da essa attimpati i dui prossimi scontri llu SC Bastia. Dici a squadra chì l’affari hè ghjustificatu da u prutucollu sanitariu d’urganisazioni lli scontri pà issi tempi di Covid 19 : hè ditta chivi chì una squadra ch’ùn pudaria dispona à u minimu di vinti ghjucadori - cuntendu u guardianu – lla lista di i trenta dichjarati à a squadra da a LFP, pò binifizià d’una rimissa lli scontri.
U SC Bastia issendu par avali in issa situazioni, i scontri contru à Quevilly-Rouen è Nancy sò stati attimpati da a cumissioni lli cumpitizioni lla LFP.
I ghjucadori pusitivi si devini metta à u scartu deci ghjorna, po’ t’ani l’ublicu di fà setti ghjorna di rimissa in cundizioni. L’altri ghjucadori cuntinuvighjani i so attività, suttu à a surviglianza lla squadra midicali.
U scontru contru à Quevilly-Rouen, privistu sabatu, si farà u 18 d’austu à 7 ori. Quiddu contru à Nancy, privistu u 9 d’austu, si farà u 11 à 7 ori.
Sur le même sujet
