Football (Ligue 2) - Le stade François-Coty fermé à titre conservatoire, en attendant peut-être d'autres sanctions
L’AC Aiacciu hà imparatu marcuri à sera a so prima cundanna, liata à l’incidenti di luni, mentri u scontru contru à Bordeaux.
Pà issu macciu, i sustinitori di Bordeaux, ben’chè intirditti di dispiazzamentu, erani ghjunti in u stadiu, fendu nascia un muvimentu in u publicu, po’ fendu parta incidenti cù i sustinitori aiaccini ghjunti à u so cuntattu.
Via un cumunicatu, hà dittu a LFP chì u stadiu François Coty saria chjusu subitu è
tutalmenti, parvia d’issi fatti gravi. Ciò chì vol’dì chì u scontru contru à Dunkerque si hà da fà senza u publicu.
Ma ùn hè ancu à finì l’affari, chì u struttori hà da rimetta u so raportu à a cumissioni di disciplina marcuri u sei di sittembri. Tandu, si pudaria ancu piddà un’altra cundanna, l’ACA.
Vali à dì chì, dipoi u primu scontru in casa contru à Rodez, fattu aghjà senza publica, i paga cari l’AC Aiacciu l’evenimenti successi in u so stadiu, ch’idda sichi à liveddu spurtivu o suldarinu.
Sur le même sujet
