Football (Ligue 2) - Le SC Bastia se relance face à Dijon (1-0)
In siconda divisioni, pà u contu lla settima ghjurnata llu campiunatu, u SC Bastia – chì hà sappiutu mubilizà si – hà vintu 1 à 0 contru à Dijon.
Dopu à una greva d’un quartu d’ora in tribuna Petrignani, ci hè stata quantunca a vulintà d’aiutà una squadra bastiaccia bedda vulintaria, ma presa da u dubitu in a prima parti llu scontru.
Dopu à u posu, tocca à 55 esima minuta, Alfarela mittia in a cabbia un ballonu datu da Van Den Kerkhof (una casata chì pudaria ancu ramintà calcosa à i sustinitori bastiacci i più anziani è i più passiunati !).
Passati 75 minuti, Rocchia era sclusu da a squadra di Dijon, parvia d’una ghjuvitata.
I bastiacci, chì ani sappiutu tena u marcu è codda si i trè punti lla vittoria, sò 11esimi lla classifica, incù novi punti.
Steti à senta à Régis Brouard, l’addistradori bastiacciu.
