Football (Ligue 2) - Le SC Bastia se déplace à Metz cet après-midi
(A redazzioni d'Alta Frequenza) - Fini di a piantata d'inguernu in Lega 2. In fatti, u ciculu andatu si chjodi issu dopu meziornu (sabbatu) pà Bastia, chì pà issa 19a ghjurnata si spiazzarà in Metz, novesimu di Lega 2. I bastiacci, chì sò nant'à u podium è chì principiarani una seria di trè scontri in una settimana, duvarani pruvà ad avvicinà si à u più di u grossu nivellu ch'elli ani dimustratu in Cuppa di Francia contr'à Sochaux. Un'esigenza ancu di più necessaria chì i lucali fermani nant'à quattru vittorii in cinqui ghjurnati di Lega 2, cù una seria in corsu di trè vittorii à a fila in casa soia. Puntu pusitivu pà u Sporting, l'assenza di parechji titularii da u cantu di Metz. Si pò nutà ind'u gruppu bastiacciu l'assenza di Diallo, partitu com'è privista ver di a Guinea in Cuppa d'Africa pà un mesi è mezu à u minimu, ma dinò u ritornu ind'u gruppu di Novaes, rimissu di un dulori à a coscia. Una partita da principià à 2 ori è mezu, à u Stadiu Saint-Symphorien.
Sur le même sujet
