Football (Ligue 2) - Le SC Bastia sacré champion de France !
(A redazzioni d'Alta Frequenza) - U Sporting Club di Bastia hè à u firmamenti, eccu ciò ch’ella si pò dì dopu à a bellissima vittoria di i Turchini contr’à u FC Metz. Issa vittoria, in più di u ritornu in Lega 1, dà u titulu di campionu di Francia di Lega 2 à u Sporting, un titulu più cà meritatu di pettu à l’incridibuli staghjoni bastiaccia. Incridibuli, una parolla chì volta da qualificà i reti magnifichi di Diallo à a 29a è 34a minuta, tutti i dui à trenta metri di i gabbii di l’avversarii. Maoulida, divintatu l’attaccanti u più pruduttivu di Lega 2 arisera (marti), hà chjosu u successu à a 67a. Un titulu uttenutu ind’un cuntestu d’emuzioni bellu carcu, postu chì dedicatu à i diciottu morti di a catastrofa di Furiani di u 5 di maghju di u 1992, pà i quali cinqui minuti di un silenziu pisivu è cummuventi sò stati rispittati nanzi à u scontru. U publicu avia mughjatu « Per Elli Vinceremu » dopu à issu silenziu, è i ghjucadori bastiacci ani tinutu issa prumessa pà i diciottu stelli sopra à Armand-Cesari.
Écoutez Frédéric Hantz, un entraîneur tout simplement heureux.
Sur le même sujet
