Football (Ligue 2) - Le SC Bastia réfléchit à un changement de staff, Frédéric Antonetti aurait été sondé
À ciò ch’iddu si ni sà, hà da avè calchì cunsiquenza, a disfatta di u SC Bastia, sabbatu in Furiani.
Arimani, a dirizzioni di u Sporting avaria validatu a nicissità d’un cambiamentu rapidu, da aiutà a squadra à mantena si.
Michel Moretti è Lilian Laslande pudariani parta senza finiscia a staghjoni. Ancu puri ch’iddi achini circatu à fà pà u meddu, duvariani lacà a piazza à un tecnicu chì avaria di più spirienza. Ma ferma sempri quantunca l’idea di lacà li in postu dendu li un sustegnu altru.
Par avali, ùn si ni senti tantu circulà, noma. L’ughjittivu – s’idda fussi validata quissa a scelta – saria d’avè un addistradori par luni à u più tardi, da ch’iddu posca travaddà à veru u dispiazzamentu piriculosu in Laval.
À ciò ch’iddu si sà par avali, Frédéric Antonetti, chì saria statu quistiunatu issi pochi ori, ùn duvaria ripiddà a squadra, malgradu a so bedda pupularità.
Sur le même sujet
