Football (Ligue 2) - Le SC Bastia reçoit le RC Lens pour le choc de la 11e journée
(Julien Pernici - Alta Frequenza) - In Lega 2, u Sporting, quatriesimu dopu à i scontri d'arisera hà da riceva à Lens, quindicesimu, pà ciò chì sarà a partita regina di iss'ondicesima ghjurnata. Di ritornu nant'à bona dinamica di dui vittoria à a seguita, i bastiacci t'avarni l'uccasioni in casu di sorti favurevuli di ricullà nant'à u podium cù dui punti in avanza nant'à u quatriesimu, è di stallà si di modu durevuli ver di a cima di a classifica. Bisogna à fà casu malgradu tuttu d'ùn essa disturbatu da l'orariu novu chì cambia l'urganisazioni di nanzi à a partita. Un'ora à a quali hà dighjà ghjucatu Lens. Un affari chì ùn cambia nulla pà i nurdisti, chì t'ani numarosi ghjucadori impurtanti assenti, è chì fermani nant'à trè scontri senza vittoria, cù una qualità di ghjocu chì inchieta. Calchì cambiamentu ind'u gruppu bastiacciu, di u quali escini, El-Azzouzi, Périatambée è Mary, feriti, ma dinò Sanaia. Ma Federicu Hantz ritrova à Cahuzac è à Cioni, di ritornu di suspensioni, com'è Suarez è Angoula. Una partita chì duvaria attraia torna una volta un publicu numarosu è chì principiarà à dui ori è mezu. Un scontru da seguità nant'à u canali CFoot.
Sur le même sujet
