Football (Ligue 2) - Le SC Bastia l'emporte 3-0 face à Arles Avignon, sur la pelouse de Créteil
(A redazzioni d'Alta Frequenza) - In Lega 2, u Sporting hà rializatu a più bella dimustrazioni à tutti quilli chì bramariani a so ruvina è perda, andendu à buscà si, ind'un esiliu di forza in Créteil, una bella vittoria 3-0 contr'à Arles-Avignon. Un veru successu cullettivu, vistu chì a squadra hà dimustratu una bella sulidarità è una regularità duranti tutta a partita. À a 20ima minuta, Genest signava a prima reta da un muvimentu tennicu schjettu è pricisu. Un quartu d'ora dopu, hè Khazri chì ripghjava da un'icapata un centru di Genest. Dopu à què, i ghjucadori di Federicu Hantz ani gistitu di modu tranquillu a so avanza, è da cuncluda di a più bella manera issa sirata pà u populu turchini in Crétel, in Armand-Cesari è in casa, Khazri chjudia l'affari è u successu bastiacciu, battendu à Yattara. Una vittori chì, aldilà d'avè un valori murali tremendu, n'hà un antru spurtivu ch'ùn si pò schisà. In fatti, cù 22 punti, u Sporting ricolla nant'à u podium è riveni à dui unità di u leader, Clermont.
