Football (Ligue 2) - Le marché des transferts s'anime du côté du SC Bastia
(A redazzioni d'Alta Frequenza) - Ghjustu nanzi à a recezzionidi Sochaux in Cuppa di Francia, u marcatu di i trasferimenti movi da u cantu di u Sporting Club di Bastia. Prima da u cantu di i ghjunti postu chì dopu à una settimana di prova, Jonathan Lacourt s'hè ingaghjatu pà sei mesi cù un annu in uzzioni, da rinfurzà u mezu di tarrenu. Duvaria avè pà rolu di culmà l'assenza di Sadio Diallo duranti à a Cuppa d'Africa di i Nazioni. Iss'ultimu firmarà fin'è a fini di a staghjoni, ma hà firmatu pà cinqui anni cù u Stade Rennais issu dopu meziornu. Una bella uparazioni pà Bastia, chì incasciarà trè millioni d'auri pà issu trasferimentu, è chì si farà dunqua impristà l'internaziunali guineanu pà a fini di a staghjoni. Issi muvimenti ùn pudariani micca essa i soli, Wahbi Khazri chì hè in fini di cuntrattu, essendu à chjarificà, postu chì s'ellu si ni và, saria rimpiazzatu di modu prubabuli da l'istreanu Julian Palmieri.
Sur le même sujet
