Football (Ligue 2) - Le joueur du SC Bastia Christophe Vincent prêté au CA Bastia
(A redazzioni d'Alta Frequenza) - U marcatu di i trasferimenti cuntinueghja pian pianinu ind'u CA Bastia. Dopu i ghjunti di Raphaël Romey è Antoine Philippon cuncretizati dipoi parechji settimani, un terzu ghjucadori hà da rinfurzà l'effettivu cabistu pà a so prima staghjoni in Lega 2. È quissu quì ùn muvarà micca da a cità duva ellu stà, postu chì hè Christophe Vincent, chì sarà impristatu da u Sporting Club di Bastia. Ssu mezu difensivu o ricuparatori di vinti anni, furmatu à u Sporting, hà firmatu in principiu di staghjoni scorsa u so primu cuntrattu prufiziunali di trè anni ed hè intrutu dui volti nant'à u tarrenu in Lega 1 annu. Ancu s'è Frédéric Hantz, l'intrenori di u Sporting, avaria prifiritu ch'ellu pighjessi appena di più sparienza essendu titulariu ind'un club di u cuntinenti, a vulintà di u CAB è di u ghjucadori di risponda à a chjama cabista sarà stata più forti.
Sur le même sujet
