Football (Ligue 2) - Le GFC Ajaccio veut confirmer à Châteauroux
(A redazzioni d'Alta Frequenza) - 11a ghjurnata di Lega 2, u Gazélec d’Aiacciu si spiazza stasera (vennari) ind’u Berri pà ghjucà contr’à Châteauroux. Dopu à un bon risultatu à paru in Monacu è soprattuttu a billissima vittoria buscata contr’à Nantes in Timizzolu ghjustu nanzi à l’arretta, i ghjucadori di Ghjuvan Micheli Cavalli vularani cunfirmà cù un bon risultatu fora di i so lochi. Contr’à elli, una squadra lucali 8a cù 13 punti, chì incatineghja i risultati à paru, 7 in tuttu dipoi u principiu di a staghjoni, micca faciuli à disturbà nant’à u so tarrenu. Da nutà u ritornu ind’u gruppu pà u settori uffensivu di Nicolas Verdier. Una partita chì principiarà à 6 ori è 45 à u stadiu Gaston Petit.
Sur le même sujet
