Football (Ligue 2) - Le GFC Ajaccio ambitieux au Havre
(A redazzioni d'Alta Frequenza) - Primu spiazzamentu di a staghjoni pà u Gazélec d'Aiacciu chì ghjoca ssu vennari à sera à 8 ori in u stadiu Océane contr'à a squadra di u Havre in Liga 2. Dopu avè principiatu a sittimana scorsa cù un billissimu successu in casa contr'à Valenciennes, i ghjucadori di Thierry Laurey sperani di buscassi un bon risultatu in Nurmandia contr'à una furmazioni chì hà persu duranti a prima ghjurnata è chì si vularà rilancià davanti u so publicu. Sarà stasera a prima participazioni à un scontru cù u GFCA pà l'anzianu di Valenciennes David Ducourtioux, di ritornu di suspensioni, mentri chì Librra, toccu à a cavichja, hè u solu à essa assenti. Da un'antra banda, u club corsu duvaria arrighjistrà da quì à calchì ora a ghjunta di un elementu novu, l'anzianu attaccanti di Saint Etienne, Kevin Mayi, impristatu a staghjoni scorsa in Niort (23 partiti di campiunatu, 3 rialisazioni). À 21 annu, si duvaria ingaghjà pà una staghjoni cù una in uzzioni.
Sur le même sujet
