Football (Ligue 2) - Le capitaine du SC Bastia, Gilles Cioni, arrête sa carrière et entame sa reconversion
37 anni, 197 scontri, è 95 di quissi in prima divisioni : marti, Gilles Cioni, u capitanu llu SC Bastia, hà dittu ch’idda si finia a so carriera di ghjucadori di ballonu. A maglietta turchina, l’hà purtata in cuntinivu dipoi ch’iddu t’hà novi anni, cacciati 3 anni à ghjuca cù u parigi FC, trà u 2007 è u 2010.
Gilles Cioni hè statu dui volti campionu di siconda divisioni, dui volti campionu di Naziunali, è hà ancu fattu una finali lla cuppa lla Liga. U 19 di frivaghju, dopu ruttu si u narbonu llu calcagnu ghjuchendu contru à Villefranche Beaujolais, si hè firmata a so carriera, ben’ch’idd’achi pruvatu à ritruvà a forma fisica par vesta a maglietta turchina.
Ben’ch’iddu achi una certa tristizia à chjuda issu libru, Gilles Cioni si tinarà à cori d’avè cuntribuitu à fà ricuddà u Sporting in u mondu prufiziunali. Iddu s’era fermu turchinu, ben’ch’idda sichi falata in Naziunali 3 a squadra, in u 2017.
Oramai, spartarà u so tempu trà a so famidda è a so impresa agro-alimintaria.
Ma farà ancu una furmazioni in dui anni, da buscà si un diploma univirsitariu di manager di squadra spurtiva prufiziunali.
Steti à senta à Gilles Cioni.
Sur le même sujet
