Football (Ligue 2) - Le CA Bastia se déplace à Nîmes
(A redazzioni d'Alta Frequenza) - Stasera (vennari) à 8 ori, u CA Bastia andarà in Nîmes pà a quatordicesima ghjurnata di Lega 2. I cabisti, sempri ultimi, sarani cunfruntati torna à una situazioni cumplicata. Prima, i punti, cù cinqui unità presi in tredici partiti, una situazioni chì faci chì u bisognu di vincia u più prestu pussibuli hè impurtantissimu. Dopu, u desideriu forsa di ùn pighjà micca troppu risichi pà vultà ancu cù un puntu da i Costières, pà ùn ricascà micca ind'a disfatta, sarà dinò prisenti. Stéphane Rossi duvarà cumpona cù un gruppu cù torna parechji assenti pà ghjucà contr'à Nîmes, chì hè sedicesimu è chì t'hà solu dui punti in più di pettu à a zona rossa, ma chì ferma nant'à dui vittorii di fila in casa soia.
