Football (Ligue 2) - Le CA Bastia se déplace à Créteil
(A redazzioni d'Alta Frequenza) - Stasera (vennari) à 8 ori, u CA Bastia, ultimu di Lega 2, và in Créteil pà a dodicesima ghjurnata di ssu campiunatu. Malgradu a disfatta contr'à Tours di a settimana scorsa chì hà fattu mali, c'hè calchì spera nanzi à ssu spiazzamentu. In fatti, i ghjucadori di u Val de Marne ùn ani più vintu in casa soia dipoi u so successu di a siconda ghjurnata contr'à u FC Metz. Una squadra chì u CAB cunnosci meghju cà l'altri forsa ch'ellu hà dighjà scuntratu, postu chì Créteil colla da u Naziunali com'è u CAB. Ind'i bastiacci, ci vularà à tena forti à u nivellu mintali malgradu ssu principiu di campiunatu più cà cumplicatu. Un spiazzamentu chì i ghjucadori di Stéphane Rossi farani senza Grimaldi, feritu, è Pastorelli, suspesu.
Sur le même sujet
