Football (Ligue 2) - Le CA Bastia se déplace à Châteauroux
(A redazzioni d'Alta Frequenza) - Stasera (vennari) à 8 ori pà a cinquesima ghjurnata di Lega 2, u CA Bastia andarà in Châteauroux. I lucali, dopu à quattru ghjurnati, ani presu solu un puntu è ani persu i so trè ultimi partiti, ciò chì faci nascia l’inchietudini inde ssu club. U CAB hà presu solu un puntu in più ma hè ind’una dinamica più bona, cù dui partiti senza avè persu. Stéphane Rossi l’hà ditta dopu à u risultatu à paru contr’à Angers a settimana scorsa, i so ghjucadori ani trovu a via ghjusta è l’ambiu hè più cà pusitivu nentru à un gruppu chì aspetta cà un affari oramai, a so prima vittoria in Lega 2, vittoria chì pudaria essa pussibuli pà i cabisti contr’à una squadra chì faci parti di i più debbuli di u campiunatu. Ind’i bastiacci, Cropanese è Traoré duvariani essa assenti, raghjunghjendu à Arnoux à l’infirmeria ch’ellu lascia Oswald, mentri chì Assana è Mandrichi sò qualificati oramai è pudariani dunqua fà parti di i sedici bastiacci chì si spiazzarani in Gaston-Petit.
