Football (Ligue 2) - Le CA Bastia reçoit le SM Caen
(A redazzioni d'Alta Frequenza) - Stasera (vennari) à 8 ori, pà a diciasettesima ghjurnata di Lega 2, u CA Bastia, ultimu di u campiunatu, ricevi Caen, novesimu. Pà i ghjucadori di Stéphane Rossi, chì cercani sempri una prima vittoria in casa soia chì saria nicissaria pà rilancià si ind'a corsa à u mantenimentu, Caen pò essa l'avversariu chì ci voli. I nurmandi, aspittati com'è candidati serii à a cullata in Lega 1, ùn sò micca prisenti, cù una seria di gattivi risultati cù una squadra nant'à currenti alternativu, chì ùn riesci più à fà dui vittorii di fila dipoi u mesi d'aostu. Da u so cantu, u CAB, chì pà a prima volta di a staghjoni s'hè intrenatu à maiò parti nant'à un tarrenu naturali, ciò chì pò avè una certa impurtanza, duvarà cuntà senza N'Diaye, Monfray è u novu ghjucadori Kanté, tutti feriti, mentri chì Marty volti postu ch'ellu ùn hè più suspesu.
Sur le même sujet
