Football (Ligue 2) - Le CA Bastia reçoit l'US Créteil
(A redazzioni d'Alta Frequenza) - Stasera (vennari) à 8 ori, u CA Bastia hà da riceva a squadra di Créteil pà a trentesima ghjurnata di Lega 2. I cabisti, ultimi di u campiunatu, fermani annant'à una disfatta in Tours ma annant'à una vittoria in casa dui sittimani fà, cù di tutti i manera a voglia di ghjucà fin'è a fini ancu s'è u CAB hè guasgi in Naziunali. Senza Sunday M'Ba, suspesu, u CAB pruvarà ad avè un rollu d'arbitru ind'a corsa pà u mantenimentu contr'à una squadra di Créteil sedicesimu è chì s'avvicina di più in più da a zona rossa.
