Football (Ligue 2) - L'ancien gardien du SC Bastia Jean-Louis Leca trois ans à l'AC Ajaccio
(A redazzioni d'Alta Frequenza) - Hè dunqua ufficiali dipoi ssu marcuri : l'anzianu guardianu di u SC Bastia Jean Louis Leca hè Bianch'è Rossu ! S'hè ingaghjatu pà trè anni cù l'AC Aiacciu. U purtieru di a Squadra Corsa di 31 anni ritrova a Liga 2 dopu avè cunnisciutu i dui ultimi anni frà altru a Liga 1 cù u Sporting à u postu di numaru 1, club cù quali hè statu assai parfurmenti malgradu a trista sorti di ss'ultimu chì hè chjamatu à ghjucà oramai in Naziunali 3. Jean Louis Leca, pà quali l'ACA ùn era micca a prima scelta, hè quantunqua filici di pudè stà in Corsica vicinu à i soi, ma ancu di pudè difenda i culori è i valori d'un club isulanu. Inveci, ùn lu vidaremi micca purtà subbitu a maglia di l'Orsi. Duvarà fà prima in fatti una priparazioni fisica cumpletta prima di pudè ritruvà a cumpetizioni è avè una forma ottima.
Steti à senta à Jean Louis Leca, u guardianu novu di l'AC Aiacciu.
Sur le même sujet
