Football (Ligue 2) - L'ACA très solide et réaliste face à Guingamp (3-0)
Photo : Jean-Noël Casanova
L’AC Aiacciu hà fattu sabbatu contru à Guingamp unu di i so più beddi scontri di issa staghjoni in siconda divisioni.
Olivier Pantaloni avia dicisu d’assucià in attaccu à Ibayi è à Touzghar, in un dispusitivu in 4-4-2, cù Jacob è Sakhi in sustegnu.
A scelta pari ch’idda sichi stata a bona ancu sè, in principiu di scontru, Guingamp paria urganizà si bè.
Tocca à 27esima minuta, Ibayi uttinia è marcaia un calciu di riparu.
Malgradu a so riazzioni, i brittoni ùn a li faciani à disturbà una squadra aiaccina chì li lacaia pocu spaziu daretu.
U posu si hè fattu cù issu marcu, a partita issendu strinta quantunca.
Ripresa ch’idda fù, Guingamp hà pruvatu à taddà fiatu à l’aiaccini, ma ancu puri in difficultà par calchì minuta, l’omini d’Olivier Pantaloni ùn n’ani vistu piriculu.
À l’ora di ghjocu, a intruta di Ben Touré avia da cambià u scontru.
Dopu à un calciu di pinalità mali rinviatu da Guingamp, u ghjucadori mittia u so primu ballonu di a partita in cabbia.
Tandu libarati, l’aiaccini si sò missi à prupona un beddu ghjocu, è in fin’di scontru, Ben Tourè mittia u so sicondu marcu, u terzu pà a so squadra.
Cù issa vittoria, l’aiaccini sò sesti, à punti patti cù Caen chì hè quintu.
À quattru punti di a terza piazza è cù 36 punti accolti, l’ACA pò avè calchì ambizioni pà a fini lla staghjoni.
Ma li ci hà da vulè à piddà i punti fora è à essa rigulari di più.
Steti à senta à Olivier Pantaloni.
Sur le même sujet
