Football (Ligue 2) - L'ACA battu à Grenoble
(A ridazzioni d'Alta Frequenza) - Vennari sera, in Grenobla, hà persu una volta di più l’AC Aiacciu. Sè a prima parti hè stata senza sapori, cù un ghjocu povaru prupostu da i dui squadri, l’affari hè cambiatu in u sicondu tempu. À a 71esima minuta, Elogo marcaia lugicamenti par Grenobla, chì facia una bedda prissioni à nantu à una squadra aiaccina senza imaginazioni è poca asatta. In fin’ di scontru, pariani ripiddà un pocu fiatu l’omini d’Olivier Pantaloni ma, dopu à un sbagliu lla difesa, Sotoca marcaia un’altra volta, è daghjia i trè punti lla vittoria à a so squadra. In quantu à l’ACA, dopu à issa disfatta, si trova sempri in li fundala lla classifica.
Sur le même sujet
