Football (Ligue 2) - L'ACA bat Valenciennes et atteint le cap des 30 points à la trêve
Photo : AC Aiacciu
L’AC Aiacciu hà vintu arisera in Timizzolu 2 à 1 contru à Valenciennes, pà u contu di a 19esima ghjurnata llu campiunatu di siconda divisioni.
À tempu attaccatu u scontru, Ben Hamed Touré mittia u primu marcu aiaccinu.
Si pinsaia tandu chì l’ACA s’avia da metta prestu in sicurità contru à l’ultimu lla classifica, ma fatta fini hè Valenciennes chì, via Haouari, hè vultata à marcu pattu passata a meza ora di ghjocu.
Ghjustu innanzi à u posu, dopu à un pessimu sgagiamentu di u guadianu di Valenciennes, Yohan Touzghar daghjia un marcu d’avanzu à i Bianchi è Russi.
A siconda parti llu scontru hè stata dissapita, è l’azzioni sò stati pochi. Cù issa vittoria, l’ACA hè sempri in a cursa par essa di i cinqui primi, è si hà buscu aghjà 30 punti, innanzi à u posu di i Festi.
L’aiaccini ùn sò chè à un puntu di Pau, è à quattru di a terza piazza. Vali à dì ch’iddu hè in bona via u mantinimentu, è chì a squadra aiaccina t’hà sempri calchì pussibilità di ghjucà a cuddata.
Sur le même sujet
