Football (Ligue 2) - L’ACA bat Concarneau et se relance dans la course aux playoffs
Sabbatu, pà u contu llu campiunatu di siconda divisioni, l’AC Aiacciu ricivia à Concarneau in Timizzolu.
L’aiaccini ani presu subitu u cumandu di a partita, ma senza fà si tantu piriculosi.
Pocu à pocu, i dui squadri ni sò ghjunti à fà un ghjocu paru.
Ghjustu innanzi à u posu, dopu à un beddu travaddu di Jabol-Folcarelli è à una passa dicisiva di Jacob, Ibayi mittia u so primu marcu in biancu è russu.
Dopu à u posu, l’ACA si hè cuntintatu di difenda u so marcu d’avanzu senza soffra tantu, mentri chì Concarneau facia tuttu par metta si à marcu pattu.
Ma l’uccasioni, pà i dui squadri, sò stati pochi.
Setti minuti di tempu in più sò stati cuncessi da l’arbitru in fin’di partita.
Ghjunta l’ultima di quissi, dopu à un calciu di pinalità, Mathieu Michel era salvatu da u palu lla so cabbia.
Cù issa vittoria, l’omini di Olivier Pantaloni ripiddani fiatu in a cursa pà i playoff, ùn issendu più chè à un puntu di u quintu, cù 33 punti.
Sur le même sujet
