Football (Ligue 2) - L'ACA a montré son pire visage face à Annecy (1-3)
Photo : Jean-Noël Casanova
L’AC Aiacciu hà persu trè à unu sabbatu à sera in casa soia, contru à u parultimu lla classifica di u campiunatu di siconda divisioni, Annecy.
Ed hè ancu un miraculu d’ùn avè presu chè trè marchi contru à issa squadra bedda debuli, ma chì hà supranatu in tuttu l’aiaccini cù u so impegnu è a so vulintà.
Eppuri, i Bianchi è Russi aviani marcatu i primi, via Jabol-Folcarelli.
Ma i più piriculosi erani quantunca l’avvirsarii di sta sera, chì sò vultati à marcu pattu à pena dopu, gramazia à l’anzianu bastiacciu Djoco.
Dopu à u posu, squadra à nantu à u tarrenu ùn si n’hè vistu chè una : l’aiaccini erani persi bè, è bastaia à veda à Al Hassan Touré par renda si ni contu.
Annecy ni prufittaia dunqua par metta dui altri marchi, via Billemaz è Djoco, una volta di più.
A partita si hè finita cù i frisci llu publicu, ma altru ùn pudia succeda sta sera : l’ACA hà persu issu sabbatu in casa soia dopu à guasgi un annu senza calà u capu, è ancu i pochi illusioni chì firmaiani par fà calcosa in a parti suprana lla classifica.
Avali, ci hà da vulè à assicurà issa piazza in siconda divisioni, chì u primu à falà ùn hè più chè à cinqui punti.
Sur le même sujet
