Football (Ligue 2) - L'AC Ajaccio lourdement sanctionné par la LFP après le derby, le SCB n'a pas été épargné non plus
Photo : Jean-Noël Casanova
Falani sempri di più i piulati à nantu à l’AC Aiacciu. Pà a terza volta dipoi u principiu lla staghjoni, a squadra aiaccina a si hà pesca bè : parvia di i sustinidori di a tribuna Faedda mentri u derby, a cumissioni di disciplina hà lintatu, una volta di più, a so sintenza.
À senta ni a cumissioni, sò stati rimarcati l’usu d’ardigni pirotecnichi, a ghjittera d’ugetti, è certi sprissioni urali, mentri u scontru contru à Bastia. A piulata hè di quiddi : un’amenda ferma di 80 000€ è a chjuditura – attimpata – pà unu scontru di a tribuna Faedda, à u stadiu François Coty.
Par ciò chì tocca à u SC Bastia, a cumissioni di disciplina hà lintatu un ochji à l’andamentu di l’analistu videò Hugo Hantz à u posu llu scontru, è à quiddu di u prisidenti Claude Ferrandi è di l’amministratori François Caffarel, in fin’di scontru.
Hugo Hantz hè suspesu par dui scontri fermi di bancu, di spuddatoghju d’arbitru è d’ugni funzioni ufficiali.
Claude Ferrandi hè suspesu di bancu, di spuddatoghju d’arbitru è d’ugni funzioni ufficiali sinu a u 31 di ghjinnaghju llu 2024.
François Caffarel hè suspesu di bancu, di spuddatoghju d’arbitru è d’ugni funzioni ufficiali sinu à u 31 di dicembri llu 2023.
