Football (Ligue 2) - L'AC Ajaccio lance une campagne d'abonnement innovante pour récompenser ses supporters
(A redazzioni d'Alta Frequenza) - « Sempri in cunquista ! » Eccu u slogan di a campagna d'abbunamentu 2018-2019 di l'AC Aiacciu chì hà da principià ssu marcuri. Un lanciamentu più prestu cà d'abitudina pà una dimarchja inedita : a pussibilità pà i sustenidori di u club d'abbunassi di manera anticipata. In fatti, à partasi da ssu marcuri u 18 d'aprili è fin'è u 12 di maghju, st'uparazioni sarà pussibuli grazia à un sistema di precumanda chì apri a porta à parechji vantaghji. U più impurtanti : pocu impremi s'è l'ACA colla o micca in Liga 1, u prezzu sarà quillu di a staghjoni di Liga 2 in corsu, vali à dì infiriori di pettu à un abbunamentu classicu quand'ella c'hè una cullata d'una divisioni à l'altra. Par abbunassi, bisognu à andà ind'a buttega ufficiali (carrughju di u Borgu) o nant'à a bigliettaria di u situ internet di u club www.ac-ajaccio.corsica
Prisintazioni di a dimarchja cù Jean Dominique Gaziello, incaricatu di cumunicazioni.
