Football (Ligue 2) - L'AC Ajaccio douché par Laval (1-3)
(A redazzioni d'Alta Frequenza) - L'AC Aiacciu hè statu punitu ssu vennari à sera in Liga 2 nant'à u so tarrenu da l'ultimu Laval, 3-1. Guadagnendu 1-0 dipoi l'11esima minuta grazia à una rialisazioni d'Abergel inghjinnata da una tattica riisciuta dopu una penalità da luntanu, l'Aiaccini ani piantatu di ghjucà à partasi da tandu, lachendu i visitori sviluppà u so ghjocu. Ss'ultimi ci l'ani fatta à vultà à parità à a 38esima minuta, prima di passà davanti appena dopu a ripresa di u sicondu tempu è d'allargà a so avanza deci minuti dopu. Dopu à ssa disfatta in Timizzolu, l'ACA ferma 12esimu cù 15 punti.
Steti à senta à Olivier Pantaloni, l'intrenori aiaccinu.
