Football (Ligue 2) - L'AC Ajaccio aura un nouveau président ce jeudi
A sapiani ancu i ghjaddini, chì Alain Orsoni s’avia da lacà iss’istati a prisidenza di l’AC Aiacciu ! Oramai hè ufficiali : via un cumunicatu, dici ch’iddu « hà sceltu di smetta si da a so rispunsabilità di prisidenti », pricisendu ch’idda hè « ora pà a rileva ! Hè ora d’apra pirspittivi novi, d’anticipà l’avvena è l’evuluzioni d’un mondu prufiziunali ch’hè in cambiamentu perpetuu ».
Cuntinuvendu u so cumunicatu, spieca Alain Orsoni ch’idda li pari « nicissaria di ringhjuvanì a dirizzioni di l’AC Aiacciu ».
« Ancu puri ch’iddi ci sichini stati prugressi incuntistevuli, cù 25 anni di prufiziunalismu, ci tocca oghji à risponda à sfidi novi : arradicà a parti spurtiva, cuntinuvà à mudernizà i strutturi, sviluppà i risorzi suldarini, metta ci in cunfurmità cù l’ublichi eculogichi… Piazza dunqua à a ghjuvantù, piazza à i dinamichi novi, piazza à visti muderni adatti à i nicissità di u tempu».
U novu prisidenti sarà cunnisciutu ghjovi.
