Football (Ligue 2) - Jour de reprise pour l'AC Ajaccio
Hè a riintruta pà l’AC Aiacciu.
Vennari, i ghjucadori ani rimissu i scarpi par appruntà a staghjoni 2025-2026.
Una ripresa bedda particulari, cù l’ambizioni d’appruntà pà u meddu u campiunatu, è à tempu a incirtezza liata à a dicisioni di a DNCG.
Pà issa prima ghjurnata, a squadra tecnica hà pussutu travaddà cù un gruppu beddu zippu, certi ghjucadori issendu sempri in cuntrattu, certi altri aspittendu l’appellu di a DNCG par rinuvà iu soiu (Vidal, Barreto, Sollacaro, Huard…).
À u prugrama d’issa ghjurnata, ci sò stati i primi provi fisichi è i primi ghjochi cù u ballonu.
Malgradu issu cuntestu dilicatu, hè statu fattu un almanaccu di scontri amichevuli – contru à Furiani, Nizza, Martigues è Montpellier - da permetta à a squadra di truvà i so marchi è di fà cuddà pianu pianu u so liveddu
I sittimani à vena ani da essa di gran’primura
pà l’AC Aiacciu, à liveddu spurtivu par creà si autumatismi, è à liveddu amministrativu ind’iddu si hà da scriva u so avvena.
Steti à senta à Thierry Debès.
A vulintà di i ghjucadori è di a squadra tecnica hè di essa impignati à liveddu llu ghjocu, ma ùn ci hè arti di sfrancà si la di a situazioni amministrativa.
A dicisioni di a DNCG, chì pesa à nantu à l’avvena spurtivu è finanziariu di l’ACA, disturba quantunca a priparazioni.
Comu custruiscia di manera sirena a so staghjoni senza sapè ciò ch’iddu ni sarà di dumani ?
Par avali, marcatu d’istati ùn si ni faci, è ùn si pò dunqua difinì l’effettivu, ch’iddu si tratti di rimpattà i partenzi o di rinfurzà si.
Steti à senta à Johan Cavalli, u dirittori spurtivu.
