Football (Ligue 2) - Jean-Louis Leca rejoint les rangs de l'AC Ajaccio aujourd'hui
(A redazzioni d'Alta Frequenza) - In ghjocu à ballò, l'AC Aiacciu s'hà da rinfurzà oghji (marcuri) cù a signatura di un guardianu novu. Ghjunghjendu da u SC Bastia, Jean Louis Leca ùn hè micca calchissia di scunnisciutu pà u publicu in Corsica, postu chì ss'ultimu hà purtatu i culori di u SC Bastia duranti parechji anni, è frà altru duranti i dui ultimi staghjoni in Liga 1 induv'ellu hè statu propiu parfurmenti ind'i gabbii bastiacci. À 31 anni, hà passatu arimani a so visita medicali è hà da signà oghji un cuntrattu di dui o trè anni, à prò di u club aiaccinu. Vali à dì chì u guardianu titulariu di l'ACA, Riffi Mandanda, si ni duvaria andà. Parechji clubs stragneri vulariani acquistà u fratellucciu di u purtieru di Marseghja. L'ACA pudaria dunqua rializà un'uparazioni finanziaria di pettu à ssa partenza.
Sur le même sujet
