Football (Ligue 2) - Hamza Sakhi vers l'AC Ajaccio
Photo : AC Ajaccio
Ghjovi, l’AC Aiacciu hà datu cunfirma di a zifra di Hamza Sakhi, l’anzianu ghjucadori d’Auxerre : si tratta d’un cuntrattu di dui anni è mezu, chì curri sinu à ghjunghju di u 2026.
Furmatu da Châteauroux, hà ghjucatu in siconda divisioni cù issa squadra, ma ancu cù Metz, Sochaux, è supr’à tuttu cù Auxerre, ind’iddu hè statu par sei staghjoni.
Hè incù Auxerre d’altrondi ch’iddu hè pussutu cuddà, da titulari, in prima divisioni.
Annu, hà ghjucatu 27 scontri incù issa squadra, in u campiunatu supranu
A statina passata, Hamza Sakhi si n’hè mossu à ghjucà in Australia, cù a squadra di Melbourne City.
À 27 anni, hà fattu 244 scontri prufiziunali, marchendu 22 volti è fendu 26 passi dicisivi.
Eccu dunqua una bedda ghjunta, da rinfurzà u mezutarrenu aiaccinu.
