Football (Ligue 2) - GFC Ajaccio - FC Niort reporté
(A redazzioni d'Alta Frequenza) - A partita chì si duvia ghjucà arisera (vennari) pà a 12a ghjurnata di Lega 2 trà u Gazélec d'Aiacciu è u FC Niort, è u ritornu di i Diavuli Rossi nant'à u tarrenu di Mezavia, hè statu annulatu è rimandatu in fin di contu. In fatti, di pettu à l'acquati forti arrighjistrati oghji nant'à u latu à punenti di a Corsica Suttana, è soprattuttu ind'a cità Imperiali, una bella parti di u tarrenu era assai troscia, è dunqua impussibuli à praticà, d'appressu à l'arbitru è i dilegati di a Lega di Ballò Prufessiunali. Mittendu, à parè soiu, particularmenti in periculu l'integrità fisica di i ghjucadori, dicisioni hè dunqua stata presa di rimandà issa partita à un'antra data, è què malgradu i sforzi di i squadri tennichi pà caccià l'acqua. Micca pussibuli d'altrondi di ghjucà oghji (sabbatu), malgradu i reguli di a LFP, di pettu à cundizioni meteurulogichi chì si duvariani guastà issa dumenicata. Un raportu sarà mandatu da u dilegatu à a Lega da fissà una data nova, u più prestu pussibuli, cunsultendu cù minuzia u calendariu.
Écoutez l'arbitre de la rencontre, Cédric Cotrel, qui justifie le report de ce match.
