Football (Ligue 2) - GFC Ajaccio - Châteauroux se disputera à Créteil
(A redazzioni d'Alta Frequenza) - U scontru trà u Gazélec d'Aiacciu è Châteauroux chì si duvia tena vennari à 8 ori in Mezavia si ghjucarà finalmenti... in Créteil. In fatti, i dirighjenti aiaccini sò stati ubligati à truvà un tarrenu di rimpiazzamentu in cuntinenti pà i so partiti in casa, u stadiu Ange Casanova essendu suspesu di modu cunservatoriu da a cummissioni di disciplina di a LFP, fin'è a fin di a struzzioni di u cartulari GFCA - Monacu nant'à parechji incidenti cù l'arbitri. L'aiaccini si stallarani dunqua da u cantu di u stadiu Dominique Duvauchelle, duva sò ghjucati i partiti di a squadra di Créteil in campiunatu di Naziunali.
Sur le même sujet
